თბილისი, 24 დეკემბერი — Sputnik. ხუთშაბათს, 24 ოქტომბერს გამართულ სავალუტო აუქციონზე საქართველოს ეროვნულმა ბანკმა 20 მილიონი დოლარი გაყიდა.
2015 წლის სექტემბრის ბოლოდან, მას შემდეგ რაც ლარის კურსი 2,4499 GEL/$1 ნიშნულზე დაეცა, ეროვნული ბანკის პრეზიდენტის თქმით, ეროვნულმა ბანკმა ლარის კურსის სტაბილიზაციისათვის უფრო აგრესიულ პოლიტიკას მიმართა.
ოთხი სავალუტო აუქციონის შედეგად, ეროვნულმა ბანკმა უკვე გაყიდა თითქმის 87 მილიონი დოლარი. ბოლო კვირის განმავლობაში, ლარი 0,5%-ით გაუფასურდა, რასაც აზერბაიჯანში ეროვნული ვალუტის დევალვაციას უკავშირებენ.
ლარის საშუალოშეწონილმა კურსმა დოლართან, დღევანდელ აუქციონზე 2,4012 GEL/$1 შეადგინა.
25 დეკემბრისათვის საქართველოს ეროვნულმა ბანკმა დოლართან მიმართებაში ლარის გაცვლითი კურსი 2.4023 GEL/$1 ნიშნულზე დაადგინა.
