თბილისი, 21 დეკემბერი — Sputnik. საქართველოს მთავრობა გეგმავს „მომავლის სოფელი“ ააშენოს საზღვრისპირა რეგიონებში, განაცხადა საქართველოს პრემიერ-მინისტრმა ირაკლი ღარიბაშვილმა ორშაბათს, 21 დეკემბერს საქართველოს მთავრობის მიერ გაწეული მუშაობის სამწლიანი ანგარიშის წარდგენისას.
საქართველოს ხელისუფლების ახალი ინიციატივის მიზანი საზღვრისპირა სოფლების ეკონომიკური და სოციალური გაძლიერებაა. ანალოგიური იდეა ისრაელში განხორციელდა, — განაცხადა პრემიერმა.
„ჩვენ ვმუშაობთ ამ იდეაზე. ჩვენ გვინდა შევთავაზოთ ვეტერანთა ოჯახებს, მათ შორის იძულებით გადაადგილებულ ვეტერანთა ოჯახებს, დასახლდნენ ამ რაიონებში და მივცეთ მათ განსაკუთრებული პირობები“, — თქვა მთავრობის თავმჯდომარემ.
2016 წელს აფხზეთის ადმინისტრაციული საზღვრის მახლობლად, ზუგდიდის რაიონის სოფელ რუხში დასრულდება მრავალფუნქციური საავადმყოფოსა და სავაჭრო ცენტრის მშენებლობა.
საქართველოს პრემიერ-მინისტრი თვლის, რომ როგორც საავადმყოფო, ასევე სავაჭრო ცენტრი რომელიც აღჭურვილი იქნება სასოფლო-სამეურნეო პროდუქციის მიმღები პუნქტით, სამაცივრე დანადგარებითა და სხვა ინფრასტრუქტურით, ხელს შეუწყობს ადგილობრივი სასოფლო სამეურნეო პროდუქციის რეალიზაციას და აფხაზებსა და ქართველებს შორის კონტაქტების გაუმჯობესებას.
