თბილისი, 10 დეკემბერი — Sputnik. ცნობილი მექსიკელი ნარკობარონი ხოაკინ ლოერა, მეტსaხელად ელ ჩაპო, ტერორისტულ ორგანიზაცია დაიშს (ISIS) ემუქრება, — იუწყება ნარკომაფიასთან დაკავშირებული ინტერნეტპორტალი Cartel Blog.
პორტალის ინფორმაციით, „სინალოას“ მეთაურის წყობიდან გამოსვლის მიზეზი გამხდარა ის, რომ დაიშის ტერორისტებს მისი კარტელის კუთვნილი ნარკოტიკების პარტია გაუნადგურებიათ. ელ ჩაპომ ისლამისტებისთვის გზავნილში მათ მცდელობას, ჩარეულიყვნენ ნარკოკარტელის საქმიანობაში, სერიოზული შეცდომა უწოდა. სად გაანადგურეს ტერორისტებმა „სინალოას“ კუთვნილი ტვირთი, არ ზუსტდება. თუმცა ცნობილია, რომ ლათინური ამერიკის მსხვილმა კარტელებმა ბიზნესი ახლო აღმოსავლეთში გადაიტანეს.
ნარკობარონის გზავნილში ნათქვამია, რომ მისი ხალხი პასუხს აგებინებს ტერორისტებს, თუ ისინი „კვლავაც განაგრძობენ მის საქმეებში ჩარევას“.
ცნობისათვის: ელ ჩაპოს მექსიკის ხელისუფლება მას შემდეგ ეძებს, რაც ის ციხიდან გაიქცა მიმდინარე წლის 12 ივლისს მიწისქვეშა გვირაბით, რომლის სიგრძეც 1,5 კმ–ია.
