თბილისი, 9 დეკემბერი — Sputnik. “ინტერ რაომ“ გაყიდა 25%-იანი აქციების პაკეტი „სომხეთის ელექტროქსელებში“ და რაზდანის თეს-ში, რითაც თავისი წილი ამ კომპანიებში 50%-მდე შეამცირა, ნათქვამია რუსული კომპანიის მიერ გავრცელებულ ინფორმაციაში.
„ინტერ რაომ“ 2015 წლის 8 დეკემბერს შეამცირა თავისი წილი „სომხეთის ელექტროქსელებში და რაზდანის თეს-ში 74,9999% —დან 50 %-მდე, —ნათქვამია ინფორმაციაში.
რუსულმა კომპანიამ წლის დასაწყისში განაცხადა, რომ ჯგუფ „ტაშირს“ „სომხეთის ელექტროქსელებსა“ და რაზდანის თეს-ს მიჰყიდის. სომხეთის საზოგადოებრივი მომსახურების რეგულირების კომისიამ, უკვე გასცა ნებართვა „სომხეთის ელექტროქსელების“ აქციების 100% გაყიდვაზე. წყარომ რუსულ საინფორმაციო სააგენტო РИА Новости-ს აცნობა, რომ გარიგება სამ ეტაპად შედგება: თავიდან იყიდება 25%, მერე ისევ 25% და ბოლოს 50%.
30 ოქტომბერს „ინტერ რაომ“ განაცხადა, რომ „სომხეთის ელექტროქსელებისა“ და რაზდანის თეს-ის პაკეტები გაყიდა და თავისი წილი 100%-დან 75%-მდე შეამცირა. გარიგების ჯამური ღირებულება 8,25 მილიონი დოლარია.
