თბილისი, 7 დეკემბერი — Sputnik. 9812,14 ლარის ღირებულების არადეკლარირებული ოქროსა და ვერცხლის ნაკეთობების შემოტანის ფაქტი გამოვლინდა 5 დეკემბერს, საბაჟო გამშვებ პუნქტზე „სარფი“, იტყობინება საქართველოს ფინანსთა სამინისტროს შემოსავლების სამსახური ორშაბათს, 7 დეკემბერს.
„თურქეთის რესპუბლიკის მხრიდან შემოვიდა სომხეთის მოქალაქე ლ.კ., რომელსაც, ეჭვის საფუძველზე ფიზიკური დათვალიერების შედეგად, მებაჟე ოფიცრებმა არადეკლარირებული ოქროსა და ვერცხლის ნაკეთობები აღმოუჩინეს“, — ნათქვამია შეტყობინებაში.
საგადასახადო კოდექსის 289-ე მუხლის მე-10 ნაწილის შესაბამისად, პირს სანქციის სახით შეეფარდა ფულადი ჯარიმა 9812,14 ლარის ოდენობით.
