თბილისი, 7 დეკემბერი — Sputnik. ნატო გამორიცხავს რადიკალური დაჯგუფება „ისლამურ სახელმწიფოს“ (არაბულად — დაიში) წინააღმდეგ საბრძოლველად სახმელეთო ძალების სირიაში გაგზავნას, განაცხადა ალიანის გენერალურმა მდივანმა იენს სტოლტენბერგმა.
„ეს ნატოსა და მისი მოკავშირეების გეგმებში არ არის. აშშ-ს განსაზღვრული რაოდენობის სპეციალური ქვედანაყოფები ჰყავს. პირველ პლანზე ადგილობრივი ძალების გაძლიერება იგეგმება, რაც მარტივი არ იქნება, თუმცა, ეს ერთადერთი ვარიანტია“, — აღნიშნა სტოლტენბერგმა შვეიცარულ Tages-Anzeiger-თან ინტერვიუში.
ნატოს გენმდივნის განმარტებით, არსებულ კონფლიქტში დასავლეთსა და ისლამურ სამყაროს შორის წინააღმდეგობაზე საუბარი არ მიდის, ეს „ექსტრემიზმისა და ტერორიზმის“ წინააღმდეგ ბრძოლაა“.
„მუსლიმანები ამ ბრძოლაში წინა ხაზზე არიან. დაღუპულთაგან ბევრი — მუსლიმანია და უამრავი მათგანი „ისლამური სახელმწიფოს“ წინააღმდეგ მებრძოლი მუსლიმანი“, — ხაზი გაუსვა სტოლტენბერგმა.
ოქტომბრის თვის დასასრულს, აშშ-ის პრეზიდენტმა ბარაკ ობამამ სირიაში ამერიკელი სამხედროების გაგზავნის თანხმობა გასცა.
