თბილისი, 5 დეკემბერი — Sputnik. დიდი ბრიტანეთის სამხედრო-საჰაერო ძალებმა „ისლამური სახელმწიფოს“ (დაიში რუსეთში აკრძალულია) პოზიციებზე იერიშის მიტანის მეორე სერია დაიწყო, იუწყება რუსული საინფორმაციო სააგენტო „რია ნოვოსტი“ Би-би-си-ზე დაყრდნობით.
„ბრიტანეთის სამხედრო თვითმფრინავები დაიშის პოზიციებზე ავიადარტყმების განსახორციელებლად მოქმედებაში მოვიდნენ. ეს ავიადარტყმების მეორე სერია იქნება იმ მომენტიდან, რაც პარლამენტმა ავიადარტყმების განხორციელების გადაწყვეტილება დაამტკიცა“, — აღნიშნავს ტელეკომპანია.
ოთხშაბათს, 2 დეკემბერს დიდი ბრიტანეთის პარლამენტმა დაამტკიცა სირიაში „ისლამური სახელმწიფოს“ წინააღმდეგ ქვეყნის სამხედრო ოპერაციაში მოქმედების შესახებ გადაწყვეტილება. 3 დეკემბერს დიდი ბრიტანეთის სამხედრო ძალებმა დაიშის პოზიციებზე პირველი ავიადარტყმები მიიტანეს. ერაყში „ისლამური სახელმწიფოს“ წინააღმდეგ სამხედრო ოპერაციას დიდი ბრიტანეთი, საერთაშორისო კოალიციის ფარგლებში, 2014 წლიდან აწარმოებს.
