თბილისი, 29 ნოემბერი — Sputnik. ქართველმა მძლეოსანმა ლაშა ტალახაძემ (+105) ჰიუსტონში მსოფლიო ჩემპიონატის დასკვნით დღეს ვერცხლის მედალი მოიპოვა.
ტალახაძემ მთლიანობაში 454 კგ (207 ატაცში და 247 — კვრაში) აწია. შეჯიბრების გამარჯვებული ახალი მსოფლიო რეკორდით (475 კგ) რუსი ალექსეი ლოვჩევი გახდა. ბრინჯაო ესტონელმა მარტ სეიმმა (438) მიიღო.
ამავე წონით კატეგორიაში საქართველოს კიდევ ერთმა წარმომადგენელმა ირაკლი თურმანიძემ მე-12 ადგილი დაიკავა, მან ჯამში 422 კგ აწია.
ჰიუსტონის მსოფლიო ჩემპიონატი ზოგადგუნდურ ჩათვლაში ჩინელმა მძლეოსნებმა მოიგეს. მათ ანგარიშზე 6 ოქროს და 4 ვერცხლის მედალია. მეორე ადგილზე რუსეთის ნაკრები გავიდა — 3 ოქრო, 3 ვერცხლი და 3 — ბრინჯაო. მესამე ადგილი ყაზახეთის გუნდმა დაიკავა, რომელმაც ორი ოქროს, ორი ვერცხლის და 1 ბრინჯაოს მედალი მოიგო.
საქართველოს ნაკრები, რომელსაც ერთი ვერცხლის მედალი აქვს, მსოფლიო ჩემპიონატის საუკეთესო ნაკრებთა ათეულში შევიდა.
