თბილისი, 14 ნოემბერი — Sputnik. საქართველოს პრემიერმა ირაკლი ღარიბაშვილმა პარასკევს ღამით ტერორისტული აქტების სერიის გამო საფრანგეთს სამძიმარი გამუცხადა.
„შოკირებული ვარ პარიზში მომხდარი ტრაგედიით. ამ მძიმე წუთებში ვართ ფრანგი ხალხის გვერდით“, — აღნიშნულია ღარიბაშვილის ფეისბუქის გვერდზე.
პარასკევს ღამე, ტერაქტების სერია მოხდა პარიზში. უცნობმა პირებმა მეათე რაიონის ერთ-ერთ რესტორანში ცეცხლი გახსნეს, სამი აფეთქება გაისმა „სტად დე ფრანსის“ სტადიონის მახლობლად, სადაც მიმდინარეობდა ამხანაგური მატჩი საფრანგეთსა და გერმანიას შორის. მატჩს საფრანგეთის პრეზიდენტი ფრანსუა ოლანდი ესწრებოდა.
გარდა ამისა როკ-კონცერტზე თეატრ „ბატაკლანში“, მე11-ე რაიონში უცნობმა პირებმა მძევლები აიყვანეს. ტერაქტს სულ მცირე 127 ადამიანი ემსხვერპლა.
