თბილისი, 5 ნოემბერი — Sputnik. ეგვიპტეში რუსული სამგზავრო თვითმფრინავის А321-ს კატასტროფის შედეგად დაღუპულთა ახლობლებს ოთხი ცხედარი გადაეცათ, იუწყება შემთხვევის ადგილზე მყოფი საგანგებო სიტუაციების მართვის სამინისტროს წარმომადგენელი ალექსანდრ აგაფონოვი.
ავიაკომპანია „კოგალიმავია“-ს კუთვნილმა ლაინერმა Airbus-321-მა, რომელიც შარმ-ელ-შეიხიდან სანკტ-პეტერბურგის მიმართულებით რეისს ასრულებდა, სინაიზე კატასტროფა განიცადა. ავიალაინერის ბორტზე 217 მგზავრი და 7 ეკიპაჟის წევრი იმყოფებოდა. ეგვიპტეში რუსეთის ფედერაციის საელჩოს მონაცემებით, ავიაკატასტროფაში არავინ გადარჩენილა.
„ცხედრების გადაცემის პროცედურები დაიწყო. დღეს ოთხი გარდაცვლილის ცხედარი გადავეცით ოჯახებს“, — განაცხადა აგაფონოვმა.
საგანგებო სიტუაციების სამინისტროს წარმომადგენლის განმარტებით, „პულკოვოს“ აეროპორტში 4 ერთეული ავიატექნიკაა მობილიზებული.
მისი სიტყვებით, წინასწარ გათვლილი და დაგეგმილია ყველა გარდაცვლილის მათი ოჯახის წევრებისათვის გადაცემის პროცედურა. „დღეს 9 მიცვალებულის ცხედარს საავტომობილო ტრანსპორტითა და 5-ს ავიატრანსპორტის საშუალებით გადავაგზავნით კონკრეტულ დანიშნულების ადგილამდე“, — განაცხადა მან.
