თბილისი, 2 ნოემბერი — Sputnik. ქალაქ სანკტ–პეტერბურგის მთავრობა ეგვიპტეში მომხდარ ავიაკატასტროფაში დაღუპულთა ოჯახებს მატერიალურ დახმარებას გაუწევს. თითოეული დაღუპულის ოჯახს მილიონი რუბლი გადაეცემა, — განაცხადა სანკტ–პეტერბურგის გუბერნატორის პრესმდივანმა ანდრეი კიბიტოვმა.
„ქალაქის მთავრობა თითო მილიონ რუბლს გადაუხდის ავიაკატასტროფაში დაღუპული თითოეული მგზავრის ოჯახს“, — დაწერა კიბიტოვმა „ტვიტერში“, და იქვე დაამატა, რომ ეს თანხები ქალაქის მთავრობის ფონდიდან გამოიყოფა.
შეგახსენებთ, რომ ავიაკომპანია „კოგალიმავია“-ს კუთვნილმა ლაინერმა Airbus-321-მა, რომელიც შარმ-ელ-შეიხი — სანკტ-პეტერბურგის მიმართულებით ასრულებდა რეისს, 31 ოქტომბერს ეგვიპტეში კატასტროფა განიცადა. ავიალაინერის ბორტზე 217 მგზავრი და ეკიპაჟის 7 წევრი იმყოფებოდა. ავიაკატასტროფამ ბორტზე მყოფი ყველა ადამიანი იმსხვერპლა.
