თბილისი, 17 ოქტომბერი — Sputnik. ამერიკის ეროვნულ დემოკრატიული ინსტიტუტის (NDI)-ს გამოკითხვების მონაწილეთა დიდი ნაწილი თვლის, რომ რუსეთს არსებითი პოლიტიკური და ეკონომიკური ზეგავლენა აქვს საქართველოზე.
“საზოგადოებრივი განწყობა საქართველოში“ კვლევების მეორე ნაწლი 17 ოქტომბერს NDI-ს დირექტორმა საქარველოში ლორა ტორნტონმა(Laura Thornton) გამოაქვეყნა.
რუსეთის საქართველოზე პოლიტიკური ზეგავლენის შეფასებისას, 48%-მა განაცხადა, რომ იგი დიდია, 21% თვლის რომ საშუალოა და 16% თვლის რომ რუსეთი საქართველოზე საერთოდ მცირე ეკონომიკურ გავლენას ახდენს ან საერთოდ არ ახდენს. ამ შეკითხვაზე პასუხი არ ჰქონდა გამოკითხულთა 14%-ს.
რუსეთის საქართველოზე ეკონომიკური ზეგავლენის შეფასებისას, გამოკითხულთა უმრავლესობამ 31% განაცხადა, რომ იგი დიდია. ამ ზეგავლენის საშუალო და მცირე ოდენობა გამოკითხულთა ერთი და იმავე რაოდენობამ აჩვენა — 27%, ხოლო არ იცოდნენ რა უნდა ეპასუხათ — 15 %.
სოციოლოგიური კვლევა „საზოგადოებრივი აზრი საქართველოში“ 8 აგვისტოდან 10 სექტემბრამდე ჩატარდა. წარმომადგენლობითი შერჩევისა და პირდაპირი ინტერვიურების გზით გამოიკითხა 4 ათას 448 ადამიანი. ხარვეზმა 3,1% შეადგინა.
NDI-ს კვლევებს შვედეთის საერთაშორისო განვითარებისა და თანამშრომლობის სააგენტო(SIDA) აფინანსებს, გამოკითხვებს კავკასიის კვლევათა რესურსების ცენტრი (CRRC) ატარებს.
