სვეტიცხოვლობის დღესასწაული: მსახურობა ტაძარში და დღესასწაული ხალხში

მოღრუბლულმა და წვიმიანმა ამინდმა საქართველოში ვერ გააუფერულა ქვეყნის ერთ-ერთი ყველაზე დიდი რელიგიური დღესასწაული - მცხეთობა - სვეტიცხოვლობა.

ერთის მხრივ, ეს დღესასწაული ეძღვნება ღვთის კვართსა და სასწაულმოქმედ მირონმდინარე ძელი ცხოველს, სხვა მხრივ კი — ქალაქ მცხეთას.

ტრადიციისამებრ ამ დღეს სადღესასწაულო ცენტრი საქართველოს ძველი დედაქალაქი — ქალაქი მცხეთა ხდება. მცხეთის საკათედრო ტაძარში, სვეტიცხოველში, დილიდან მიდიან მორწმუნეები მთელი საქართველოდან.

დღეს ტაძარში სადღესასწაულო ლიტურგია აღავლინა სრულიად საქართველოს კათოლიკოს პატრიარქმა ილია მეორემ. ქართული მართლმადიდებლური ეკლესიის მეთაურმა მრევლს ეს დიდი დღესასწაული მიულოცა და საქართველოს და მთელ მსოფლიოს ღვთის სიყვარული უსურვა.

"დღევანდელ დღეს ჩვენ შევთხოვთ უფალს, რომ გამთლიანდეს საქართველო და გაიხაროს ქართველმა ხალხმა და არა მარტო ქართველმა ხალხმა, ყველამ ვინც ცხოვრობს საქართველოში. მინდა დღევანდელი დღესასწული მივულოცო ყველას, აფხაზებს, რუსებს, სხვა ერების წარმომადგენლებს ოსებს, ბერძნებს, წყალობა ღვთისა და სასუფეველი ცათა და სიყვარული ღვთისა სუფევდეს თქვენზე, საქართველოზე და მთელ მსოფლიოზე", — მილოცვაში აღნიშნა სრულიად საქართველოს კათოლიკოს პატრიარქმა ილია მეორემ.

ქვეყნის სულიერი მამის მილოცვის შემდეგ, საქართველოს მოსახლეობას მიულოცა პრემიერ-მინისტრმა. მან ქართველი ერისათვის სვეტიცხოვლობის მნიშვნელობას გაუსვა ხაზი და ყველას მშვიდობა და გაძლიერება უსურვა.

"სვეტიცხოვლობა - ეს ჩვენი რწმენის, ქართველი კაცის სულიერი სიმტკიცის სიმბოლოა. ამიტომ ამ დღეს მე, პირველ რიგში, მინდა გისურვოთ სულიერ სიმტკიცე, სიმშივიდე და ერთობა", - განაცხადა საქართველოს პრემიერ მინისტრმა ირაკლი ღარიბაშვილმა.

დიდ დღესასწაულზე წმინდა ქალაქ მცხეთაში გაემართნენ ქართული უწყებების ხელმძღვანელებიც. ჯანდაცვის მინისტრმა, როგორც ყველამ, ამ დღეს ქვეყანას გაერთიანება, მის მოსახლეობას კი, ბუნებრივია, ჯანმრთელობა უსურვა.

"მთელ საქართველოს ვულოცავ სვეტიცხოვლობას და ვუსურვებ გაერთიანებას და სიმტკიცეს. ჩვენი ქვეყნის მოსახლეობას კი ჯანმრთელობას, სიხარულს და წარმატებებს", - განაცხადა საქართველოს შრომის, ჯანმრთელობისა და სოციალური დაცვის მინისტრმა.

ამ დღეს სანახავად და მისალოცად საქართველოს ძველ დედაქალაქში დღესასწაულზე ჩამოვიდა უამრავი ტურსიტი.

ანა კირილოვა ჩერეპოვციდან ოჯახთან ერთად საქართველოში პირველად ჩამოვიდა გუშინწინ. მაგრამ ამ დროში მათ მოასწრეს ეხილათ ყაზბეგი, თბილისის ნაწილი და სრულიად შემთხვევით ქალაქის დღესასწაულზეც აღმოჩნდნენ.

ქალაქში გასეირნება ნამდვილად ღრდა. მიუხედავად წვიმისა, მცხეთის მთავარ მოედანზე დღესასწაულის მნიშვნელოვანი მოვლენები განვითარდა - ეროვნული პროვიდენსის გამოფენა, სპორტული შეჯიბრებები და სიმღერა ცეკვის ფონზე.

ხალხი ქუჩაში ცეკვავდა - ზოგი ცალკე, ზოგი სახლხოდ, სერიოზულად და ხუმრობით. მოედნის ცენტრში დადგმულ სცენაზე საკუთარ შემოქმედებას უჩვენებდნენ ვოკალური და ქორეოგრაფიული ანსამბლები მცხეთიდან, თბილისიდან და საქართველოს სხვა რეგიონებიდან.

დღესასწაულის სტუმრებს სთავაზობდნენ ცხენზე ჯირითს, გემრიელი მწვადის დაგემოვნებას, მოხარშულ სიმინდს, ჩურჩხელას და ბამბის ნაყინს. ბავშვები და მოზარდები ატრაქციონებზე ერთობოდნენ და ქუჩებში საყვარელ სუპერგმირებს ხატავდნენ. ერთი სიტყვით, გარშემო საეკლესიო-სამოქალაქო დღესასწაულისა და ეროვნული ერთობის ატმოსფერო იგრძნობოდა.