დაკავებულნი არიან მოსკოვში ტერაქტის მომზადებასთან დაკავშირებული პირები

© photo: Sputnik / Ramil Sitdikov / გადასვლა მედიაბანკშიმოსკოვი
მოსკოვი - Sputnik საქართველო
გამოწერა
კომიტეტის ინფორმაციით, ბინაში, სადაც დაკავებულები იმალებოდნენ, აღმოჩენილი და გაუვნებელყოფილია თვითნაკეთი ასაფეთქებელი ნივთიერება.

თბილისი, 11 ოქტომბერი — Sputnik. რუსეთის ფედერაციის სამართალდამცველმა ორგანოებმა მოსკოვში ტერაქტის მომზადებასთან დაკავშირებული პირები  დააკავეს. აღმოჩენილი და გაუვნებელყოფილია თვითნაკეთი ასაფეთქებელი ნივთიერება, ამის შესახებ რუსეთის ეროვნული ანტიტერორისტული კომიტეტი იტყობინება. 

„ოპერატიულ-სამძებრო ღონისძიებათა რეალიზაციის ფარგლებში, უსაფრთხოების სამსახურებმა მოსკოვის დასავლეთის ადმინისტრაციული ოლქის სტრელბშენსკის შესახვევის ერთ-ერთ საცხოვრებელ სახლში, დააკავეს პირები, რომლებიც დაკავშირებულნი არიან დედაქალაქში ტერორისტული აქტის მომზადებასთან“, — ნათქვამია შეტყობინებაში. 

კომიტეტის ინფორმაციით, ბინაში, სადაც დაკავებულები იმალებოდნენ, აღმოჩენილი და გაუვნებელყოფილია თვითნაკეთი ასაფეთქებელი ნივთიერება. 

აღნიშნულ ფაქტზე ტარდება აუცილებელი ოპერატიული ღონისძიებები და სამძებრო სამუშაოები. 


ყველა ახალი ამბავი
0