თბილისი, 10 ოქტომბერი — Sputnik. საქართველოს პრემიერ-მინისტრი ირაკლი ღარიბაშვილი შაბათს აზერბაიჯანში ჩავიდა.
ჰეიდარ ალიევის სახელობის საერთაშორისო აეროპორტში საქართველოს პრემიერ-მინისტრს ენრგეტიკის მინისტრი ნატიგ ალიევი და სხვა ოფიციალური პირები დახვდნენ, იტყობინება Sputnik —აზერბაიჯანი.
ბაქოში ჩასვლისთანავე, საქართველოს პრემიერ-მინისტრი აზერბაიჯანის პრეზიდენტს ილხამ ალიევს შეხვდა. შეხვედრაზე მხარეებმა ქვეყნებს შორის ორმხრივი ურთიერთობები და რეგიონალური უსაფრთხოების საკითხები განიხილეს. შეხვედრა, რომელიც პრეზიდენტის „ზაგულბას“ სასახლეში მიმდინარეობდა, სამ საათს გაგრძელდა.
