თბილისი, 28 სექტემბერი — Sputnik. უკრაინის მთლიანობის უზრუნველყოფა იარაღის ძალით ვერ მოხდება. აუცილებელია დონბასის მცხოვრებთა ინტერესების გათვალისწინება, განაცხადა რუსეთის პრეზიდენტმა ვლადიმერ პუტინმა.
„მუქარით, იარაღის ძალით უკრაინის მთლიანობის უზრუნველყოფა ვერ მოხდება. ეს კი გასაკეთებელია. საჭიროა ადამიანის უფლებებისა და ინტერესების რეალური გათვალისწინება დონბასში, მათი არჩევანის პატივისცემა, მათთან შეთანხმება როგორც ეს გათვალისწინებულია მინსკის შეთანხმებებით, სახელმწიფოს პოლიტიკური მოწყობის საკვანძო ელემენტებზე“, — განაცხადა ვლადიმერ პუტინმა გაეროს გენერალურ ასამბლეაზე სიტყვით გამოსვლისას.
„ეს იმის საწინდარია, რომ უკრაინა განვითარდება როგორც ცივილიზებული სახელმწიფო, როგორც უმთავრესი დამაკავშირებელი რგოლი უსაფრთხოების საერთო სივრცისა და ეკონომიკური თანამშრომლობისა როგორც ევროპაში, ასევე ევრაზიაში“, - განაცხადა მან.
