თბილისი, 23 სექტემბერი — Sputnik. საქართველოს ეროვნული უშიშროების საბჭოს სხდომა პრეზიდენტ გიორგი მარგველაშვილის ხელმძღვანელობით, ოთხშაბათს, 23 სექტემბერს გაიმართება, იტყობინება უწყების პრეს-სამსახური.
საბჭოს დღის წესრიგი სამი საკითხითაა განსაზღვრული:
1. 2016 წლისთვის საქართველოს სამხედრო მოსამსახურეების რაოდენობა;
2. საქართველოში სამხედრო აღმშენებლობის პროცესი;
3. „ საქართვლოს საფრთხეების შეფასების 2015-2018 წლების დოკუმენტის“ პროექტის სამხედრო საფრთხეების ნაწილი.
უშიშროების საბჭოს სხდომაზე სიტყვით საქართველოს თავდაცვის მინისტრი თინა ხიდაშელი და საქართველოს გენშტაბის უფროსი, გენერალ-მაიორი ვახტანგ კაპანაძე გამოვლენ.
„ეს ჩვეულებრივი, სტანდარტული პროცედურაა, რომელზეც უნდა განისაზღვროს სამხედრო მოსამსახურთა რაოდენობა, რაც კანონმდებლობით, საქართველოს პრეზიდენტის ყოველწლიურ მოვალეობას წარმოადგენს და შემდგ პარლამენტმა უნდა მიიღოს გადაწყვეტილება“, — განაცხადა ხიდაშელმა მედიასთან საუბრისას.
გავრცლებული ინფორმაციით, საქართველოს პრემიერ-მინისტრი ირაკლი ღარიბაშვილი დატვირთული დღის გრაფიკის გამო, უშიშროების საბჭოს სხდომას არ დაესწრება.