თბილისი, 23 სექტემბერი — Sputnik. თბილისში, რიყის პარკში აშშ-ის პრეზიდენტ რონალდ რეიგანის ძეგლი საღებავით შეღებეს, ინფორმაციას ქართული მედია ოთხშაბათს, 23 სექტემბერს ავრცელებს.
პოლიციის თანამშრომლებმა დამნაშავის ვინაობა დაადგინეს, თუმცა, მისი დაკავება ამ დრომდე ვერ მოხერხდა.
აღნიშნულ ფაქტზე გამოძიება საქართველოს სსკ-ის 187-ე მუხლით დაიწყო, რაც სასჯელის ზომად 110-დან 180 სთ-მდე საზოგადოებისათვის სასარგებლო შრომას ან თავისუფლების ერთიდან სამ წლამდე ვადით აღკვეთას ითვალისწინებს.
თბილისში რონალდ რეიგანის ბრინჯაოს ძეგლი 2011 წლის ნოემბერში დაიდგა. ძეგლზე ქართულ დ ინგლისურ ენებზე რეიგანის სიტყვებია ამოტვიფრული: „თავისუფლების შენარჩუნება ყოველი თაობის საზრუნავი უნდა იყოს“.
