თბილისი, 21 სექტემბერი — Sputnik. პოლიციის თანამშრომლებმა საცხოვრებელი სახლის ჩხრეკისას კალაშნიკოვის ორი ავტომატი, თურქული წარმოების სანადირო თოფი და კუსტარულად დამზადებული პისტოლეტი აღმოაჩინეს, იუწყება შსს–ს პრესსამსახური.
გარდა ამისა, სამართალდამცავებმა 1986 წელს დაბადებული ვლადიმერ ქ.–ს საცხოვრებელი სახლის სათავსოში ასევე იპოვეს 200–ზე მეტი საბრძოლო ვაზნა, ექვსი მჭიდი და პისტოლეტის შემადგენელი შვიდი დეტალი.
გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (საქართველოს სსკ-ის 236-ე მუხლის მე-2 ნაწილით), რაც სამიდან ხუთ წლამდე თავისუფლების აღკვეთას ითვალისწინებს.
