თბილისი, 17 სექტემბერი — Sputnik. „ბი-ბი-სი მონიტორინგი“ აზერბაიჯანში თავისი ოფისის დახურვას აპირებს. ამის შესახებ Sputnik Азербайджан ანონიმურ წყაროზე დაყრდნობით იტყობინება.
წყაროს თქმით, „ბი-ბი-სი მონიტორინგი“ თავის საქმიანობას 6 თვის მანძილზე შეაჩერებს აზერბაიჯანში და თბილისში იქნება განთავსებული.
ასეთი გადაწყვეტილების მიზეზები უცნობია.
როგორც Sputnik იტყობინება, „მონიტორინგის“ ბაქოს ოფისში უარი თქვეს ამ საკითხის კომენტირებაზე. ასევე კომენტარისაგან თავი შეიკავეს ბი-ბი-სის ლონდონის სათაო ოფისის რუსულ სამსახურში.
„ბი-ბი-სი მონიტორინგი“ — ბრიტანული ტელერადიოკორპორაციის ბი-ბი-სის ქვედანაყოფია, რომელიც მსოფლიოს მასშტაბით ტელე, ბეჭდური და ინტერნეტ გამოცემების მონიტორინგს ამზადებს. ქვედანაყოფი ბაქოში უკვე 15 წელია მოღვაწეობს.
