თბილისი, 17 სექტემბერი — Sputnik. საქართველოს საფეხბურთო ნაკრების თავდამსხმელმა ლევან მჭედლიძემ იტალიურ „ემპოლისთან“ არსებული კონტრაქტი გააგრძელა2018 წლამდე. ამის შესახებ იტალიური პორტალი Stop and Goal იტყობინება.
„მინდოდა შეთანხმება ერთი წლით გამეგრძელებინა, მაგრამ ორწლიანი კონტრაქტი შემომთავაზეს — ჩემთვის ეს პრობლემა არაა. აქ თავს ძალიან კარგად ვგრძნობ და ბოლოს და ბოლოს მინდა ჩემი შესაძლებლობები საქართველოს ნაკრებში გამოვავლინო“, — თქვა ახალ კონტრაქტთან დაკავშირებით მჭედლიძემ.
25 წლის თავდამსხმელი „ემპოლის“ რიგებში 2007 წლიდან თამაშობს. ამ დროის მანძილზე, მჭედლიძემ 125 მატჩი ითამაშა კლუბში და 14 ბურთი გაიტანა. თავისი იტალიური საფეხბურთო კარიერის მანძილზე, 2 წელი ფორვარდმა „ფორვარდში“ გაატარა, სადაც 11 მატჩი ითამაშა და 1 გოლი გაიტანა. მიმდინარე სეზონზე მჭედლიზემ „ემპოლიში“ ორი შეხვედრა გამართა.
7 სექტემბერს, ევრო-2016-ის შესარჩევ მატჩში ირლანდიის ნაკრების წინააღმდეგ, მჭედლიძემ ტრამვა მიიღო და როგორც მოსალოდნელია ქვეყანაში მხოლოდ ოქტომბრის დასაწყისში დაბრუნდება.
