თბილისი, 16 სექტემბერი — Sputnik. ევროპის საფეხბურთო ასოციაციის კავშირში (უეფა) შემავალი ფეხბურთის ფედერაციების წარმომადგენლებმა, პარასკევს მალტაში დაგეგმილი ორგანიზაციის აღმასკომის სხდომის წინ, განიხილეს მესამე ევროპული საკლუბო ტურნირის შექმნის შესაძლებლობის საკითხი. ამის შესახებ სააგენტო ასოშეიტედ პრესი იტყობინება.
სავარაუდოდ ტურნირში მონაწილეობას მიიღებენ კლუბები, რომელთაც მანამდე ვერ გადალახეს ევროპის ლიგის კვალიფიკაცია.
ახალი ტურნირი შესაძლებელია გამოჩნდეს არაუადრეს 2018 წლისა, როცა მიმდინარე სატელევიზიო კონტრაქტები დასრულდება.
