თბილისი, 9 სექტემბერი – Sputnik. ლას–ვეგასის აეროპოტრში, BRITISH AIRWAYS-ის კუთვნილ სამგზავრო ლაინერს ცეცხლი გაუჩნდა, რის შედეგადაც 14 ადამიანი დაშავდა, იტყობინება ტელეკომპანია CNN.
მანამდე ორი გარდაცვლილის შესახებ ვრცელდებოდა ინფორმაცია. როგორც ცნობილი გახდა, BOEING 777–ს, რომლის ბორტზეც 159 მგზავრი და ეკიპაჟის 13 წევრი იმყოფებოდა, აფრენამდე გაუჩნდა ცეცხლი. მგზავრებისა და ეკიპაჟის შემადგენლობის ევაკუირება ხანძრის გაჩენისთანავე მოხდა. თვითმფრინავი რესისს ლონდონის მიმართულებით ასრულებდა.
ყველა დაზარალებულს პირველადი სამედიცინო დახმარება შემთხვევის ადგილზე აღმოუჩინეს. აეროპორტის ნაწილი დაკეტილია, რაც ავიარეისების განხორციელებას შეაფერხებს. ხანძრის მიზეზები დგინდება.
