თბილისი, 7 სექტემბერი — Sputnik. შეთანხმება უკრაინაში ნატოს წარმომადგენლობის შესახებ, იქნება ხელმოწერილი მიმდინარე თვეში, კიევში დაგეგმილი ნატოს გენერალური მდივნის იენს სტოლენბერგის პირველი ვიზიტისას, განაცხადა ორშაბათს უკრაინის საგარეო საქმეთა მინისტრმა პაველ კლიმკინმა.
„ხელმოწერილი იქნება შეთანხმება ნატოს წარმომადგენლობაზე“, — თქვა მინისტრმა.
კლიმკინმა აღნიშნა, რომ ნატოს გენერალური მდივანი დათანხმდა მონაწილეობა მიიღოს უკრაინის უშიშროების საბჭოს სხდომაში და სიტყვით გამოვიდეს საბჭოს წევრების წინაშე. ეს იქნება „უპრეცედენტო მოვლენა“, — განაცხადა მინისტრმა.
მისი თქმით, ვიზიტის მსვლელობისას ასევე ხელი მოეწერება „საგზაო რუქას“ თავდაცვის სფეროში ნატო-უკრაინის თანამშრომლობის შესახებ.
