თბილისი, 25 აგვისტო — Sputnik. ევროკავშირის ქვეყნებთან საქართველოს საგარეო სავაჭრო ბრუნვამ იანვარ-ივლისის პერიოდში 1 მილიარდ 729 მილიონი დოლარი შეადგინა, რაც 2%-ით აღემატება 2014 წლის ანალოგიურ პერიოდს, იტყობინება სტატისტიკის ეროვნული სამსახური „საქსტატი“.
ამასთან, ექსპორტმა 340 მილიონი დოლარი სეადგინა, (0,4%-ით ნაკლები), ხოლო იმპორტმა — 1383 მილიონი დოლარი (3%-ით მეტი).
ევროკავშირის ქვეყნების წილზე საქართველოს მთლიანი საგარეო სავაჭრო ბრუნვის 31% მოდის. (2014 წლის ანალოგიურ პერიოდში ეს მაჩვენებელი 26% იყო). იმავე ევროკავშირის ქვეყნებზე მოდის საქართველოს უარყოფითი სავაჭრო ბალანსის 34% (2014 წლის ანალოგიურ პერიოდში 32%).
საქართველოს საგარეო სავაჭრო ბრუნვამ 2015 წლის იანვარ-ივლისში 5 მილიარდ 573 მილიონი დოლარი შეადგინა (არაორგანიზებული ვაჭრობის გაუთვალისწინებლად), რაც 14%-ით ნაკლებია 2014 წლის ანალოგიურ პერიოდთან შედარებით.
