წყალდიდობისგან დაზიანებულ თბილისის ზოოპარკის ტერიტორიას აღადგენენ.

ივნისის შუა პერიოდში მომხდარმა წყალდიდობამ თბილისის ზოოპარკის დიდი ნაწილი გაანადგურა და მასში მცხოვრები ცხოველების ნახევარზე მეტი დახოცა. 600 ცხოველიდან, ნახევარზე ნაკლები გადარჩა.

გადარჩნენ ზონაში მყოფი ის ცხოეველები, რომლებამდეც წყალმა ვერ მიაღწია. ცხოველთა კიდევ ერთი ნაწილი წყალდიდობის შემდეგ იპოვეს – მაგალითად, პინგვინები, რომელთა ძველი ვოლიერიც სრულიად განადგურდა.

ამ დროისათვის ზოოპარკის ტერიტორიის წმენდა გრძელდება. მისი ხელმძღვანელობა აცხადებს, რომ მნახველთათვის ზოოპარკი სექტემბერში გაიხსნება.

ზოოპარკის დირექციამ წყალდიდობის შემდეგ გადარჩენილი ცხოველებისათვის სტრესის მოხსნის ზომებიც მიიღო.

თუმცა ზოოპარკის ვოლიერების დიდი ნაწილი, რომლებიც ივნისში ნაპირებიდან გადმოსული მდინარე ვერეს ნაპირის ჩაყოლებაზეა განთავსებული, კვლავ განადგურებულია.

განადგურდა ზოოპარკის ტერიტორიაზე არსებული საბავშვო პარკი ატრაქციონებით.

თბილისის მერიამ ახალი ზოოპარკის ქალაქის განაპირა მხარეს აშენება გადაწყვიტა. ახალი ზოოპარკი დაახლოებით 2–3 წელიწადში გაიხსნება და 47 ჰექტარს დაიკავებს.

სანამ არ აშენდება ახალი ზოოპარკი, ცხოველები ძველში იცხოვრებენ. ზოოპარკში უახლოეს მომავალში რამდენიმე ახალი ცხოველის დამატებაც იგეგმება.

წყალდიდობისგან განადგურებული საბავშვო კარუსელი.

ახალი ზოოპარკი, რომელიც თბილისში აშენდება, დასავლური სტანდარტების შესაბამისი იქნება. მისი მშენებლობა 2016 წელს დაიწყება.

დღეისათვის ზოოპარკის კუთვნილი ტერიტორიის წმენდა და რეაბილიტაცია მიმდინარეობს.

ჩქაროსნული ავტომაგისტრალის მშენებლობა რამდენიმე წლის წინ. გზის გაყოლებაზე განლაგებული იყო ვოლიერები, ზემო ნაწილში კი – ქვეითთა ბილიკები. მაგრამ წყალდიდობისას მდინარე კალაპოტიდან გადმოვიდა და სრულიად დატბორა მიმდებარე ტერიტორია.