თბილისი, 21 აგვისტო — Sputnik. ბორჯომში მუნიციპალიტეტის საკრებულოს თავმჯდომარის ზაზა ჩაჩანიძის ავტომობილს ცეცხლი გაუჩნდა, განუცხადეს ჟურნალისტებს საქართველოს შსს-ს პრეს-ცენტრში.
ჩაჩანიძის ავტომანქანას, რომელიც მის ეზოში იყო გაჩერებული, 20 აგვისტოს ღამით ცეცხლი გაუჩნდა, იუწყება ქართული მედია.
საქართველოს შსს ცეცხლის გაჩენის მიზეზების გამოკვლევას შეუდგა. შემთხვევის დეტალები ირკვევა, განაცხადეს უწყებაში.
მიმდინარეობს გამოძიება სსკ-ის მუხლით „ნივთის დაზიანება ან განადგურება გაუფრთხილებლობით“, რაც ისჯება ჯარიმით ან ერთ წლამდე ვადით გამოსასწორებელი სამუშაოებით, ან ორ წლამდე ვადით თავისუფლების შეზღუდვით.
