რუსეთის პრემიერ-მინისტრმა დიმიტრი მედვედევმა რუსეთის რკინიგზის ხელმძღვანელის თანამდებობაზე ტრანსპორტის მინისტრი პირველი მოადგილე ოლეგ ბელოზეროვი დანიშნა და ყურადღების გამახვილება დააკისრა კომპანიის ბიუჯეტზე, ინვესტიციებსა და სამგზავრო გადაზიდვებზე.
მედვედევმა ბელოზეროვთან შეხვედრაზე განაცხადა, რომ ვლადიმერ იაკუნინისგან რუსეთის რკინიგზის ხელმძღვანელობა ახალ მეთაურს პარასკევს გადაეცემა.
"თქვენ დაუყოვნებლივ უნდა შეუდგეთ ახალი მოვალეობების შესრულებას. ვიმედოვნებ, ხელმძღვანელობა ხვალ გადმოგეცემათ", — განაცხადა რუსეთის მთავრობის სარდალმა.
მედვედევმა ბელოზეროვს ასევე კომპანიის ბიუჯეტზე, ინვესტიციებსა და სამგზავრო გადაზიდვების პრობლემებზე ყურადღების გამახვილება ურჩია.
"აქ ბევრი საჩივარია. ხალხი უკმაყოფილოა მარშრუტების გაუქმებით. მეორეს მხრივ, რკინიგზამ ამით შემოსავალი უნდა მიიღოს და არ უნდა იყოს დანაკლისში, უნდა გააჩნდეს რესურსები განვითარებისათვის", — განაცხადა რუსეთის პრემიერ-მინისტრმა.
მედვედევმა აღნიშნა, რომ რუსეთის რკინიგზის ახალი ხელმძღვანელი აქტიურად იყო ჩართული რკინიგზის პრობლემების მოგვარებაში ტრანსპრტის მინისტრის მოადგილეობის პერიოდში და მზადაა საკუთარი მოვალეობები შეასრულოს.
რუსეთის რკინიგზის ხელმძღვანელის პოსტზე 2005 წლიდან ვლადიმერ იაკუნინი იყო. ხუთშაბათს მედვედევმა განაცხადა, რომ ღია სააქციო საზოგადოება "რუსეთის რკინიგზის" ყოფილმა ხელმძღვანელმა თანამდებობიდან გათავისუფლების მოთხოვნით განცხადება ახალ სამსახურში გადასვლასთან დაკავშირებით გააკეთა. ახლა იაკუნინი კალინინგრადის ოლქის ფედერაციული საბჭოს სენატორის თანამდებობის პრეტენდენტია.
