თბილისი, 20 აგვისტო — Sputnik. უმსხვილესი სამორინე „აჭარა“ ფულის გათეთრებასა და გადასახადისგან თავის არიდებაშია ეჭვმიტანილი, განუცხადეს ჟურნალისტებს ხუთშაბათს, 20 აგვისტოს საქართველოს ფინანსთა სამინისტროს საგამოძიებო სამსახურში.
მოსამართლის გადაწყვეტილებით, სამორინეში საგამოძიებო ღონისძიებები ტარდება, განაცხადეს უწყებაში. ამჟამად სამორინეს მუშაობა შეჩერებულია.
კომპანია „აჭარა“ 1998 წელს დაფუძნდა და მას შემდეგ საქართველოს სათამაშო ბაზარზე წამყვანი პოზიცია უკავია.
