თბილისი, 20 აგვისტო — Sputnik. რიგაში ხუთშაბათს ნატოს სტრატეგიული კომუნიკაციის ცენტრის გახსნის საზეიმო ცერემონია გაიმართა, რომელიც უკვე ერთი წელია მუშაობს, იუწყება რუსული საინფორმაციო სააგენტო „რია ნოვოსტის“ კორესპონდენტი.
საზეიმო გახსნას ესწრებოდნენ ლატვიისა და ლიტვის პრეზიდენტები — რაიმონდს ვეიონისი და დალი გრიბაუსკაიტე, ასევე აშშ-ის სენატორები ჯონ მაკკეინის ხელმძღვანელობით.
ცენტრის მიზანია ნატოს მუშაობის კოორდინირება, ალიანსის საინფორმაციო და ფსიქოლოგიური ოპერაციების მომზადების უზრუნველყოფა.
ცენტრის გახსნას ეძღვნება კონფერენცია „რიგის დიალოგი სტრატეგიული კომუნიკაციების შესახებ: აღქმას მნიშვნელობა აქვს“, რომელიც ლატვიის დედაქალაქში ორი დღე გაგრძელდება. ღონისძიების ფარგლებში მისი მონაწილეები — ნატოს ქვეყნების, ასევე უკრაინისა და საქართველოს წარმომადგენლები კონფლიქტის დროს სოციალური მედიის როლზე მსჯელობას აპირებენ. ასევე ექსპერტები განიხილავენ კრიზისული პერიოდის დროს მასმედიის ზეგავლენას საზოგადოებაზე.
