გმირთა ხსოვნას: გამოფენა "ქართველები მეორე მსოფლიო ომში"

თბილისის ცენტრში საქართველოს ეროვნულ მუზეუმში გამოფენა "ქართველები მეორე მსოფლიო ომში" ტარდება.

გამოფენა ფაშიზმზე გამარჯვების 70-ე იუბილეს ეძღვნება.

გამოფენაზე მეორე მსოფლიო ომის დროინდელი სხვადასხვა იარაღებია წარმოდგენილი.

სამხედრო ტექნიკის მოდელები გამოფენაზე - საბრძოლო მანქანების ზუსტი ასლები, რომლებითაც ომის წლებში ქართველი მეომრები იბრძოდნენ.

გამოფენაზე 250-ზე მეტი ექსპონატია წარმოდგენილი.

ექსპონატებს შორის ომის დროინდელი მრავალი სურათი და დოკუმენტი მოიპოვება.

გამოფენაზე ასევე წარმოდგენილია ისტორიული ცნობები, ცნობილი ქართველი ოფიცრების, საბჭოთა კავშირის სარდლებისა და გმირების პორტრეტები.

გამოფენის ორგანიზატორებმა განაცხადეს, რომ ეცადნენ ხელში ჩაეგდოთ მეორე მსოფლიო ომის წლების ყველა მნიშვნელოვანი მოვლენის ექსპოზიცია და ეამბოთ იმ ქართველების შესახებ, ვინც სხვადასხვა ტიპის არმიებში მსახურობდნენ.

ექსპონატებს შორის მოიპოვება იოსებ სტალინის პირადი ნივთებიც, განაცხადეს ეროვნულ მუზეუმში.

ომის წლებში საქართველომ ფრონტზე 700 000-ზე მეტი ადამიანი გაგზავნა, მათგან 16 000 ქალი. საქართველოდან ომში წასულთაგან ნახევარი არ დაბრუნებულა. ომის პერიოდში საბჭოთა არმიაში 23 000 ქართველი ოფიცერი მსახურობდა, მათ შორის 60 გენერალი და ადმირალი.

ომის პერიოდში საბჭოთა კავშირის გმირის წოდება 164-მა ქართველმა მიიღო. ეროვნული გმირის წოდება ქართველებმა ასევე საფრანგეთში, იუგოსლავიასა და იტალიაში გაწეული საბროლო დამსახურებებისათვისაც მიიღეს.