თბილისი, 18 აგვისტო — Sputnik. დასავლეთ საქართველოში ოჯახური კონფლიქტის შედეგად ქალმა მეუღლე ცივი იარაღით დაჭრა, იუწყება შსს-ს პრეს-სამსახური.
სოფელ გოგოლესუბანში მომხდარი საყოფაცხოვრებო ჩხუბის მიზეზები დგინდება. ცნობილია, რომ დაჭრილი ჰოსპიტალიზებულია და მის სიცოცხელს საფრთხე არ ემუქრება. ამასთან პრეს-სამსახურში არ აზუსტებენ დაკავებულია თუ არა თავდამსხმელი.
აღძრულია სისხლის სამართლის საქმე „ჯანმრთელობისათვის მძიმე დაზიანების განზრახ მიყენების" მუხლით. ბრალის დამტკიცების შემთხვევაში, ცოლს 3-დან 5 წლამდე პატიმრობა ემუქრება.
