თბილისი, 14 აგვისტო — Sputnik. საქართველოს ნაკრებმა ბერძნულ-რომაულ ჭიდაობაში, ბრაზილიის ქალაქ სალვადორ დი ბაიაში გამართულ მსოფლიო ჩემპიონატში, ოთხი ოქროს და ერთი ვერცხლის მედლები, ასევე გუნდური პირველობა მოიპოვა.
ოქროს მედლები მოიპოვეს: რამაზ ზოიძემ (-66კგ), გელა ბოლქვაძემ (-74კგ), ნიკოლოზ კახელაშვილმა (-96კგ), ზვიად პატაროძემ (-120კგ). ვერცხლის მედალი ნუგზარ წურწუმიამ 50 კგ-მდე წონით კატეგორიაში აიღო.
ამრიგად, საქართველოს ნაკრებმა 60 ქულა დააგროვა და გუნდური პირველობა მოიგო. მეორე ადგილზეა აზერბაიჯანის გუნდი — აქტივში 53 ქულით, მესამეზე კი რუსეთის გუნდი 47 ქულით.
