თბილისი, 12 აგვისტო — Sputnik. ესტონეთისა და რუმინეთის პრემიერ-მინისტრები ტაავი რიივასს და ვიქტორ პონტა ქართველი კოლეგის ირაკლი ღარიბაშვილის მოწვევით ყვარელში იმყოფებოდნენ, იტყობინება ოთხშაბათს, 12 აგვისტოს მთავრობის პრეს-სამსახური.
სტუმრებმა ისტორიული ღვინის საცავი-გვირაბი დაათვალიერეს და ქართული ღვინის კულტურის შესახებ ინფორმაცია მოისმინეს.
საქართველოს მთავრობის მეთაურმა, რუმინელ და ესტონელ კოლეგებთან ერთად, ქართული ღვინოები დააგემოვნა. პრემიერ-მინისტრები ტრადიციული, ეროვნული კერძების მომზადების წესებს გაეცნენ, ასევე თავად სცადეს ჩურჩხელას მომზადება.
ესტონეთისა და რუმინეთის პრემიერ-მინისტრები, UEFA-ს სუპერთასის ფინალურ მატჩზე დასასწრებად, საქართველოს ირაკლი ღარიბაშვილის მოწვევით ესტუმრნენ.
