თბილისი, 12აგვისტო— Sputnik. საქართველოს საგარეო საქმეთა სამინისტრომ Viber-ის ადმინისტრაციას აფხაზეთისა და სამხრეთ ოსეთის (ცხინვალის რეგიონი) აპლიკაციის ჩამონათვალიდან ამოღების მოთხოვნით მიმართა, განაცხადეს უწყების პრეს-სამსახურში ოთხშაბათს, 12 აგვისტოს.
Viber-ში აფხაზეთი და სამხრეთ ოსეთი, როგორც დამოუკიდებელი სახელმწიფოები იყო შესული.
ცნობილია, რომ უკვე შედგა საგარეო საქმეთა სამინისტროს კომუნიკაცია viber-ის ოფისთან კვიპროსში, რომლის საფუძველზეც მოხდა აფხაზეთისა და სამხრეთ ოსეთის ამოღება ე.წ. viber out ზარის ფუნქციის ჩამონათვალიდან, აღნიშნავენ პრეს-სამსახურში.
