თბილისი, 10 აგვისტო — Sputnik. საქართველოს ფეხბურთის ახალგაზრდული ნაკრების მცველმა მამუკა კობახიძემ,მ რუსულ კლუბ „მორდოვიასთან“ — სარანსკიდან, ერთ წლიანი კონტრაქტი გააფორმა. ამის შესახებ ინფორმაცია გუნდის ოფიციალურ გვერდზე გავრცელდა.
კობახიძე იჯარით გადავიდა და მეხუთე ნომრით ითამაშებს.
ბოლო სეზონზე 22 წლის მცველი ყაზანის „რუბინში“ გამოდიოდა, რომლის შემადგენლობაში 4 მატჩი ჩაატარა.
ასევე „მორდოვიაში“ თამაშობს კიდევ ერთი ქართველი ლეგიონერი — მეკარე ნუკრი რევიშვილი.
რუსეთის პრემიერ-ლიგაში ჩატარებული ოთხი მატჩის შემდეგ, სარანსკის კლუბი 4 ქულით მეათე ადგილზეა.
