ძიუდოს მსოფლიო ჩემპიონატზე ქართველებმა მეოთხე მედალი მოიპოვეს

© https://www.facebook.com/TbilisiEYOF?fref=tsძიუდო
ძიუდო - Sputnik საქართველო
გამოწერა
კადეტთა შორის მსოფლიო ჩემპიონატზე ინდივიდუალური გამოსვლების დასრულების შემდეგ, საქართველოს ნაკრების აქტივში 4 მედალია - ერთი ვერცხლი და 3 ბრინჯაო.

თბილისი, 9 აგვისტო — Sputnik. ქართველმა ძიუდოისტმა ონისე სანებლიძემ სარაევოში მიმდინარე მსოფლიო ჩემპიონატში კადეტთა შორის, 90 კგ.-მდე წონით კატეგორიაში ბრინჯაოს მედალი მოიპოვა. 

 სანებლიძე ევროპის ახალგაზრდული ოლიმპიური ფესტივალის — „თბილისი 2015“-ის გამარჯვებულია. მესამე ადგილისათვის ორთაბრძოლაში მან იაპონელი კეისუკე ივაკი დაამარცხა. 

 ინდივიდუალური შეჯიბრების დასკვნით დღეს საქართველოს ნაკრებს კიდევ სამი ძიუდოისტი წარმოადგენდა, მაგრამ ისინი მედლების გარეშე დარჩნენ. ყველაზე ახლოს ჯილდოსთან გელა ზაალიშვილი იყო (+90კგ.), მაგრამ ქართველმა სპორტსმენმა ლიტველ სპორტსმენთან იგნას მეკაიუსთან წააგო. 

 ამრიგად, ინდივიდუალური გამოსვლების დასრულების შემდეგ, საქართველოს ნაკრების აქტივში 4 მედალია — ერთი ვერცხლის და 3 ბრინჯაოს. 

სარაევოს მსოფლიო ჩემპიონატი 9 აგვისტოს გუნდური შეჯიბრებები დასრულდება. 


ყველა ახალი ამბავი
0