ძალაში შევიდა რუსეთის პრეზიდენტის განკარგულება სანქცირებული პროდუქტების განადგურების შესახებ. ახლა პოლონურ ვაშლს, ფრანგულ ყველსა და იტალიურ ბოსტნეულს არამხოლოდ არ უშვებენ რუსეთში, არამედ ანადგურებენ კიდეც.
აკრძალულ პროდუქციას ანადგურებენ ნებისმიერი შესაძლო მეთოდით: წვავენ, ჭყლეტენ, მარხავენ და ასე შემდეგ, იუწყება Sputnik ბელორუსია.
ხუთშაბათს ბელორუსიისა და რუსეთის საზღვარზე 5 ტონა პომიდორი და 60 ტონა ატამი გაანადგურეს. სავარაუდოდ, პროდუქცია ყალბი დოკუმენტების მეშვეობით შექონდათ ევროკავშირიდან რუსეთის ტერიტორიაზე, მაგრამ რუსეთის პრეზიდენტის დავალება წარმატებით შესრულდა: აკრძალული პროდუქცია ლიკვიდირებულია.
