თბილისი, 5 აგვისტო — Sputnik.უეფას დისციპლინარულმა კომიტეტმა, აზერბაიჯანის „გაბალთან“ გამართული მატჩისას, გულშემატკივრების ქმედებათა გამო, გადაწყვეტილება მიიღო დასაჯოს თბილისის „დინამო“ ევროთასის უახლოეს შინ გამართულ მატჩზე სტადიონის ერთი-ერთი სექტორის დახურვით.
„მატჩი „დინამო“ –„გაბალი“ ევროპის ლიგის კვალიფიკაციაში 2 ივლისს გაიმართა და ქართული კლუბის სასარგებლოდ 2:1 დასრულდა. „დინამო“ დასჯილია გულშემატკივართა რასისტული ქმედებების, აკრძალული ბანერისა და ფანების სათამაშო მოედანზე გამოსვლის გამო. ქართული კლუბი ასევე დაჯარიმდა 20 ათასი ევროთი“ — აღნიშნულია უეფას ოფიციალურ გვერდზე.
საუბარია სტადიონის ჩრდილოეთ ტრიბუნის მე-16 სექტორზე, სადაც ტრადიციულად ქართული კუბის ფანები —„გლადიატორები“ განთავსდებიან ხოლმე.
თბილისის „დინამომ“ რომელმაც შინ მატჩი მოიგო, გასვლითი მატჩი „გაბალთან“ 0:2 წააგო და ორი მატჩის ჯამით ევროპის ლიგის პირველი საკვალიფიკაციო ეტაპი ანგარიშით 2:3 დათმო.
