თბილისი, 28 ივლისი — Sputnik. ძიუდოისტებმა ზურაბ კახნიაშვილმა და თემურ ნოზაძემ ევროპის ახალგაზრდულ ოლიმპიურ ფესტივალზე „თბილისი-2015“ ბრინჯაოს მედლები მოიპოვეს. პირველი ჯილდო საქართველოს ნაკრებს ზურაბ კახნიაშვილმა მოუტანა, რომელმაც 55 კგ-მდე წონით კატეგორიაში მესამე ადგილისთვის ორთაბრძოლაში ჩეხ დავით ვოპატას სძლია.
კიდევ ერთი ბრინჯაოს მედალი თემურ ნოზაძის ანგარიშზეა. მან თურქ ზექირ უღურჩანთან ორთაბრძოლაში გაიმარჯვა.
შეჯიბრის მეორე დღეს გუნდურ ჩათვლაში რუსეთის ნაკრები ლიდერობს, რომლის ანგარიშზეც სამი ოქრო, სამი ვერცხლი და ერთი ბრინჯაოა.
