თბილისი, 27 ივლისი — Sputnik. საქართველოსთვის რუსეთის საზღვაო დოქტრინაზე უფრო ის დოკუმენტია მნიშვნელოვანი, რომელსაც ნატო დეკემბერში მიიღებს, განაცხადა საქართველოს თავდაცვის მინისტრმა თინათინ ხიდაშელმა ორშაბათს, 27 ივლისს.
დოქტრინის ახალი ვერსია 26 ივლისს დაამტკიცა რუსეთის პრეზიდენტმა პუტინმა. დოკუმენტში შეტანილი ცვლილებები შავი ზღვის რეგიონში არსებული პოლიტიკური ვითარებითა (ყირიმის საკითხით) და აგრეთვე ჩრდილოეთ ფლოტში სამხედრო-საზღვაო ფლოტის ძირითადი შემტევი და სტრატეგიული დაჯგუფების განთავსებითაა განპირობებული.
„ჩემთვის, როგორც საქართველოს თავდაცვის მინისტრისთვის, რუსეთის სამხედრო დოქტრინაზე გაცილებით საინტერესოა, რა დოკუმენტს მიიღებს დეკემბრის მინისტერიალზე ნატო. ესაა პასუხი ჩვენს გამოწვევებზე და არა ის, რა გადაწყვეტილებებს ღებულობს რუსეთი“, — განუცხადა თინა ხიდაშელმა ჟურნალისტებს.
რუსეთის ქმედებები ძალიან იოლად პროგნოზირებადია, დაასკვნა საქართველოს თავდაცვის უწყების პირველმა პირმა.
დეკემბერში ნატოს წევრი და პარტნიორი ქვეყნების საგარეო საქმეთა მინისტრების სამიტია დაგეგმილი.
2016 წლის ივლისში ვარშავაში ნატოს სამიტი გაიმართება. საქართველოს ხელისუფლებას იმედი აქვს, რომ ჩვენი ქვეყანა სამიტზე ალიანსის წევრობის სამოქმედი გეგმას — МАР-ს მიიღებს.