თბილისი, 23 ივლისი — Sputnik. საქართველოს პრემიერ–მინისტრმა ირაკლი ღარიბაშვილმა განაცხადა, რომ ახალ შინაგან საქმეთა მინისტრის კანდიდატურას 27 ივლისს დაასახელებს.
ახლანდელი შს მინისტრი ვახტანგ გომელაური სახელმწიფო უსაფრთხოების სამსახურს ჩაუდგება სათავეში, რომელიც 1 აგვისტოდან ამოქმედდება.
„გუშინ პარლამენტმა ვახტანგ გომელაურის კანდიდატურა სახელმწიფო უსაფრთხოების სამსახურის ხელმძღვანელად დაამტკიცა. მანამდე ის შინაგან საქმეთა მინისტრის მოვალეობას შეასრულებს. რაც შეეხება მინისტრის ახალ კანდიდატურას, მის ვინაობას ორშაბათს დავასახელებ “, — თქვა ღარიბაშვილმა 23 ივლისს მთავრობის სხდომის დაწყების წინ.
