მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ქართველმა და ამერიკელმა სამხედროებმა საკუთარი უნარები აჩვენეს

© photo: Sputnik / Оксана Джадан / გადასვლა მედიაბანკშინატოს სამხედრო სწავლებები
ნატოს სამხედრო სწავლებები - Sputnik საქართველო
გამოწერა
სწავლებებში საქართველოს შეიარაღებული ძალების მეოთხე მექანიზებული ბრიგადის 42-ე ბატალიონის პირადი შემადგენლობა, აშშ საზღვაო ქვეითთა კორპუსის 220 სამხედრო მოსამსახურე და ბულგარეთისა და რუმინეთის ოცეულები მონაწილეობდნენ.

თბილისი, 21 ივლისი — Sputnik. ნატოს სწავლებები Agile Spirit 2015, რომელიც ვაზიანის სამხედრო ბაზაზე ტარდება, 21 ივლისს ჟურნალისტებისთვის გაიხსნა, იუწყება ქართული პრესა.  

ქართველი, ამერიკელი და სხვა უცხოელი სამხედროები სწავლებისას პირობით დასახლებულ პუნქტს უტევდნენ. ოპერაციაში მათ ჯავშანმანქანები და  UH-1H „იროკეზის“ ტიპის ვერტმფრენიც ჩართეს დაჭრილების გამოსაყვანად.  

„ეს ურთიერთთავსებადობის კარგი მაგალითი იყო.  Agile Spirit მაღალი დონის სამხედრო სწავლებებია, რომელშიც ბევრი ქვეყნის სამხედროები მონაწილეობენ“, — თქვა აშშ საზღვაო ქვეითთა ძალების სარდლის მოადგილემ ევროპასა და აფრიკაში ჯეიმს დოელანმა (James E. Donnellan).

სწავლებებში საქართველოს შეიარაღებული ძალების მეოთხე მექანიზებული ბრიგადის 42-ე ბატალიონის პირადი შემადგენლობა, აშშ საზღვაო ქვეითთა კორპუსის 220 სამხედრო მოსამსახურე და ბულგარეთისა და რუმინეთის ოცეულები მონაწილეობდნენ. 

სწავლებებზე დამკვირვებლებად მოწვეულები არიან ლიტველი, ლატვიელი, სომეხი და თურქი ოფიცრები.

საქართველოში 8 ივლისს დაწყებული მრავალეროვნული სწავლებები, რომლებიც საშტაბო და საველე მომზადებას მოიცავს, ოფიციალურად 22 ივლისს დასრულდება. 

ყველა ახალი ამბავი
0