თბილისი, 15 ივლისი — Sputnik. ერაყის მთავრობამ რეკორდული სიცხის გამო 16 ივლისი ოფიციალურად უქმე დღედ გამოაცხადა, იუწყება რუსული საინფორმაციო სააგენტო ”რია ნოვოსტი”.
”მინისტრთა საბჭოს გენერალური სამდივნო, ტემპერატურის მკვეთრი მატების გამო, რომელმაც რიგ პროვინციებში უკვე 50 გრადუსს გადააჭარბა, 2015 წლის 16 ივლისს, ხუთშაბათს უქმე დღედ აცხადებს”, — აღნიშნულია ერაყის მთავრობის ოფიციალურ ვებგვერდზე.
მინისტრთა საბჭოს თავმჯდომარის მოადგილე ჰასან ალ–ჯანაბიმ ერაყის ახალი ამბების სააგენტოსთან საუბრისას განაცხადა, რომ ეს გადაწყვეტილება, გარდა ბანკებისა და სამართალდამცავი ორგანოებისა, ყველა სახელმწიფო დაწესებულებას ეხება.
50 გრადუსიანი სიცხე ქვეყანაში ორიოდე დღის წინ დაფიქსირდა. ტემპერატურა, სავარაუდოდ, პარასკევს ან შაბათს დაიწევს.