თბილისი, 14 ივლისი — Sputnik. ქართველი ჟურნალისტების ჯგუფმა საქართველოს ცენტრალური ხელისუფლების მიერ არაკონტროლირებადი ტერიტორიის ადმინისტრაციულ საზღვართან საპროტესტო აქცია სამშაბათს, 14 ივლისს გამართა. ისინი „საზღვრის“ აღმნიშვნელი ბანერების მოხსნას მოითხოვდნენ.
საქართველოს საგარეო საქმეთა სამინისტროს მონაცემებით, 10 ივლისს ბანერები თბილისი–გორის ცენტრალური ავტომაგისტრალიდან 500 მეტრში, წითელუბნისა და ორჭოსანის ახლომდებარე ტერიტორიაზე დააყენეს, რომელსაც ცენტრალური ხელისუფლება ვერ აკონტროლებს.
„როგორც ჩანს, ჩვენ ხშირად მოგვიწევს იმის გაპროტესტება, რაც აქ ხდება… ჩვენ ამის წინააღმდეგნი ვართ, ისევე როგორც სხვა მოქალაქეები და ეს პროტესტი გაგრძელდება მანამ, სანამ სიტუაცია არ შეიცვლება“, — განაცხადა რადიო „აფხაზეთის ხმის“ საინფორმაციო სამსახურის უფროსმა ლაშა ბერულავამ ჟურნალისტებთან საუბრისას.
აქციის მონაწილეებმა მიწაზე დააგდეს ერთ–ერთი ბანერი, რომელზეც ეწერა „რესპუბლიკა სამხრეთ ოსეთი“ და ფეხით შედგნენ მას.
„ომი რომ ცუდია, ამაზე მგონი არავინ დავობს, მაგრამ უსუსური ხელისუფლების ნახვა უფრო ცუდია. გაცილებით უფრო კარგია უყურო ხელისუფლებას, რომელიც ცუდია რომ მარცხდება, მაგრამ იბრძვის მაინც საკუთარი მიწა-წყლისთვის. ეს ბრძოლა აუცილებელი ხომ არ არის იარაღად გამოვიყენოთ, მძაფრი განცხადებებიც ხომ არსებობს“, — აცხადებს „რუსთავი 2“–ის ჟურნალისტი ნანუკა ჟორჟოლიანი.
