თბილისი, 14 ივლისი — Sputnik. ირანისთვის ”ექვსეულთან” შეთანხმების წარმატებით შესრულების შემთხვევაში ადრე გაყინული ანგარიშებიდან ხელმისაწვდომი 100 მილიარდ აშშ დოლარზე მეტზე გახდება, იუწყება სააგენტო ”როიტერი” აშშ-ის ადმინისტრაციის წარმომადგემლის ინფორმაციაზე დაყრდნობით.
როგორც რუსული საინფორმაციო სააგენტო ”რია ნოვოსტი” აღნიშნავს, გარიგების პირობების შესრულებას ”მაგატე” (ატომური ენერგიის საერთაშორისო ორგანიზაცია) გააკონტროლებს. სააგენტო ”როიტერის” წყარო აღნიშნავს, რომ ირანის მხრიდან შეთანხმების შეუსრულებლობის შემთხვევაში თეირანის წინააღმდეგ 65 დღის განმავლობაში გაეროს უშიშროების სანქციები კვლავ შეიძლება ამოქმედდეს.
სამშაბათს, ირანმა და საერთაშორისო შუამავლების ”ექვსეულმა” ირანის ატომთან დაკავშირებული მრავალწლიანი პრობლემის მოგვარების თაობაზე ისტორიულ შეთანხმებას მიაღწიეს. ურთულესი მოლაპარაკებები ყოვლისმომცველი ერთობლივი ქმედებების გეგმის მიღებით დასრულდა, რომლის შესრულებაც ირანს ადრე მის მიმართ გაეროს უშიშროების საბჭოს, აშშ-ის და ევროკავშირის მიერ შემოღებულ ეკონომიკურ და ფინანსურ სანქციებს მთლიანად მოუხსნის.
