თბილისი, 2 ივლისი — Sputnik. ერთიანი ეროვნული, სამაგისტრო და მასწავლებელთა სერტიფიცირების გამოცდები ხუთშაბათს, 2015 წლის 2 ივლისს დაიწყო. ერთიან ეროვნულ გამოცდებს დაახლოებით 40 ათასი აბიტურიენტი საქართველოს 19 საგამოცდო ცენტრში ჩააბარებს 2-22 ივლისს.
აბიტურიენტები, 2-3 ივლისს ქართულ ენასა და ლიტერატურაში მოსინჯავენ ძალებს. პირველმა ნაკადმა გამოცდების ჩაბარება დღეს, 2 ივლისს, დილის 9 საათზე დაიწყო.
გამოცდა ზოგად უნარებში 6-7 ივლისს ჩატარდება, ხოლო 8-10 ივლისს აბიტურიენტები უცხო ენებს – ინგლისურს, ფრანგულს, გერმანულსა და რუსულს ჩააბარებენ. ეს სავალდებულო საგნებია.
ამის შემდეგ დადგება მაპროფილებელი საგნების ჯერი:
• გეოგრაფია – 13 ივლისი
• ისტორი – 14 ივლისი
• მათემატიკა – 15 ივლისი
• ფიზიკა – 16 ივლისი
• ლიტერატურა – 17 ივლისი
• სამოქალაქო განათლება (წლეულს პირველად) – 20 ივლისი
• ბიოლოგია – 21 ივლისი
• სახვითი და გამოყენებითი ხელოვნება – 21 ივლისი
• ქიმია – 22 ივლისი
გარდა ამისა, 9-17 ივლისს ჩატარდება სამაგისტრო გამოცდები:
• წაკითხულის ანალიზი, ანალიტიკური წერა (ტესტირების ტიპი: A, C) – 9 ივლისი
• ლოგიკური მსჯელობა, რაოდენობრივი მსჯელობა (ტესტიტების ტიპი A, C) – 10 ივლისი
• წაკითხულის ანალიზი, ანალიტიკური წერა (ტესტირების ტიპი: B) – 16 ივლისი
• ლოგიკური მსჯელობა, რაოდენობრივი მსჯელობა (ტესტიტების ტიპი B) – 17 ივლისი.
სახელმწიფო დაფინანსების მაძიებელი სტუდენტები შესაბამის გამოცდებს 20 ივლისს ჩააბარებენ.
