მამაკაცი თავის ქალის დაზიანებით საავადმყოფოში გადაიყვანეს მას შემდეგ, რაც მოსკოვის საცალო სავაჭრო მაღაზიის "პიტიოროჩკას" მცველი თავს დაესხა. ამის შესახებ "რია ნოვოსტის" შეატყობინა შინაგან საქმეთა სამინისტროს მოსკოვის მთავარი სამმართველოს პრეს-სამსახურის ხელმძღვანელმა ანდრეი გალიაკბეროვმა.
"სამედიცინო დაწესებულებაში გადაყვანილია დედაქალაქის 34 წლის მცხოვრები მამაკაცი თავის ტვინისა და ქალის ტრავმით. დაზარალებულის თქმით, მას ფიზიკურად მაღაზიის დაცვის წევრი გაუსწორდა", — განაცხადა პოლიციის წარმომადგენელმა.
მანამდე, დიდი საზოგადოებრივი რეზონანსი მოყვა 7 წლის ბიჭის მშობლების პოლიციასთან დაკავშირებას,, რომლებმაც განაცხადეს, რომ დედაქალაქის სუპერმარკეტის "პიტიოროჩკას" დაცვის წევრმა ბავშვს ელექტროშოკერით დენი დაარტყა, რადგან მისი ქურდობა იეჭვა. ამავდროულად დაცვის სამსახურმა განაცხადა, რომ მათი თანამშრომლები არ არიან ელექტროშოკერებით აღჭურვილი, თავად დაცვის წევრი კი მისი მისამართით მუქარისა და თანხის გამოძალვის შესახებ საუბრობდა.
