თბილისი, 30 ივნისი — Sputnik. საქართველოს ინტერპოლის ცენტრალური ბიუროს თანამშრომლებმა ბათუმის საერთაშორისო აეროპორტში თურქეთის მოქალაქე აჰმეთ სამი ონეი დააკავეს, რომელიც რუსეთიდან ჩამოვიდა საქართველოში, იუწყება საქართველოს შსს-ს პრეს-სამსახური სამშაბათს, 30 ივნისს.
მცირეწლოვანის მიმართ გარყვნილ ქმედებაში ბრალდებული თურქეთის მოქალაქე ანკარის ინტერპოლის მიერ 2014 წლის 21 თებერვლიდან იძებნებოდა. ის ბათუმის აეროპორტის სასაზღვრო-გამშვებ პუნქტზე დააკავეს.
როგორც საქართველოს შსს-ში აღნიშნეს, მიმდინარეობს დაკავებულის სამშობლოში ექსტრადიციის პროცედურები.
