თბილისი, 28 ივნისი — Sputnik. სრულიად საქართველოს კათოლიკოს-პატრიარქმა ილია მეორემ „დიდი შეცდომა“ უწოდა აშშ-ს გადაწყვეტილებას ერთსქესიანი ქორწინების ლეგალიზაციის შესახებ.
“მედიიდან და პრესიდან ვიცით, რომ ამერიკის შეერთებულმა შტატებმა მიიღო გადაწყვეტილება, ყველა შტატში იყოს დაშვებული ერთსქესიანთა ქორწინება. ეს დიდი შეცდომაა და ამას ამბობენ თვითონ ამერიკელები, სასულიერო პირები. ამას ვადასტურებთ ჩვენც და ვამბობთ, რომ ეს არის დიდი შეცდომა“, — განაცხადა საკვირაო ქადაგებაზე საქართველოს პატრიარქმა.
პარასკევს, აშშ-ს უმაღლესმა სასამართლომ, 5 ხმით 4-ის წინააღმდეგ დაადგინა, რომ უფლება ერთსქესიან ქორწინებაზე არ ეწინააღმდეგება ქვეყნის კონსტიტუციას და ამით ნება დართო მსგავსი ქორწინებები დარეგისტრირდეს ყველა შტატში. ამ დრომდე ერთსქესიანთა ქორწინება აშშ-ს 50 დან 37 შტატშია დარეგისტრირებული.
